БНСУ-д газрын тос, байгалийн хийн үнэ нэмэгдэж, дагаад шатахуун, эрчим хүчний үнэ өссөн. Тиймээс тус улсын Засгийн газар инфляцийг тогтоон барих, үнийг дарамтыг бууруулах үүднээс газрын тосны татварыг түр бууруулахаар төлөвлөж байна гэж мэдэгдлээ.
Засгийн газар татварыг бууруулах хугацаа, хамрах хүрээ зэрэг дэлгэрэнгүй мэдээллийг ирэх долоо хоногт танилцуулна гэлээ.
БНСУ-ын жишиг үзүүлэлт болох Дубайн газрын тосны үнэ өнгөрсөн есдүгээр сард 72.63 ам.доллар байсан бол энэ сарын байдлаар баррель нь 84 ам.долларт дөхөөд байна.
Газрын тосны үнэ өссөн нь газар тариалангийн бүтээгдэхүүний үнэд нөлөөлж, инфляцийн түвшин хоёр хувиар нэмэгдсэн байна.
