Авлигатай тэмцэх газрын Мөрдөн шалгах хэлтэст 2021 оны эхний найман сард 226 авлигын хэрэг бүртгэгдсэн нь өмнөх оны мөн үеэс 17 буюу 8.1% өссөнийг Үндэсний статистикийн хороо өнөөдөр танилцууллаа.
Авлигын гэмт хэрэг өмнөх оны мөн үеэс өсөхөд эрх мэдэл, албан тушаалын байдлаа урвуулан ашиглах гэмт хэрэг 23 (15.4%)-аар, хуулийн этгээдийн эрх мэдлийг урвуулан ашиглах гэмт хэрэг 3 (4.0 дахин)-аар өссөн нь голлон нөлөөлжээ. Харин 2021 оны наймдугаар сард 22 авлигын хэрэг бүртгэгдсэн нь өмнөх сараас 7-оор буюу 24.1% буурсан байна.
.
Бүртгэгдсэн авлигын хэрэг өмнөх сараас буурахад эрх мэдэл, албан тушаалын байдлаа урвуулан ашиглах гэмт хэрэг 5 буюу 21.7%, хахууль авах гэмт хэрэг 6-аар буурсан нь голлон нөлөөлжээ.
Бүртгэгдсэн 226 авлигын хэргийг Монгол Улсын Эрүүгийн хуулийн 22 дугаар бүлгийн зүйлээр ангилахад
- 172 буюу 72% нь эрх мэдэл, албан тушаалын байдлаа урвуулан ашиглах
- 39 буюу 16.3% нь хахууль авах
- 20 буюу 8.4% нь хахууль өгөх хэрэг
- Нэг нь төсвийн хөрөнгийг зориулалтын бусаар зарцуулах хэрэг
- Гурав нь үндэслэлгүйгээр хөрөнгөжих гэмт хэрэг
- Дөрөв нь хуулийн этгээдийн эрх мэдлийг урвуулан ашиглах гэмт хэрэг байна.