Италийн Эмийн агентлаг /AIFA/ “COVID-19”-ийн вакцины нэмэлт тунг тарихыг зөвшөөрсөнтэй холбоотойгоор даваа гаригаас эрсдэлтэй бүлгийн иргэдийг гурав дахь тунд хамруулж эхэлжээ.
Тодруулбал, вакцины нэмэлт тунг дархлаа нь дарангуйлагдсан, эрхтэн шилжүүлэх мэс засалд орсон зэрэг хүмүүст тарьж байна. Тийнхүү гурван сая орчим хүн гурав дахь тунд хамрагдах төлөвтэй байна.
Эмийн агентлагийн мэдээлснээр, иргэдийг вакцины нэмэлт тунд хамруулах хөтөлбөрт матрицын рибонуклейн хүчилд /мРНХ/ суурилсан “Pfizer”, “Moderna” компанийн вакциныг хэрэглэх ажээ.