Хүй долоон худагт зохион байгуулж буй барилдааны дундуур Улсын арслан Р.Пүрэвдагва улсын харцага Б.Бат-орших нар Монголын нийт үндэсний бөх сонирхогч, үзэгчдээсээ уучлал гуйн ёсоллоо. Учир нь хоёр бөхөөс Ардын хувьсгалын 99 жилийн ойн баяр наадамд хориотой бодис буюу допингийн төрлийн бодис илрээд байсан юм.
Өнгөрсөн жилийн Үндэсний их баяр наадмын хүчит бөхийн барилдаанд шөвгөрсөн 16 бөхөөс допингийн шинжилгээ авсан. Шинжилгээгээр гурван бөхийн шинжилгээнд допинг илэрсэн билээ. Тодруулбал, Үндэсний их баяр наадмын хүчит бөхийн барилдаанд зургаа даван шөвгөрсөн Улсын харцага Б. Бат-Оршихын шинжилгээнд Дэлхийн допингийн эсрэг агентлагаас гаргасан хориглосон жагсаалтад орсон гурван төрлийн бодис, наадамд найм даван үзүүрлэсэн Улсын аварга Н.Батсуурийн шинжилгээнд нэг бодис, наадамд зургаа даван шөвгөрсөн Улсын арслан Р. Пүрэвдагвын шинжилгээнд гурван төрлийн бодис тус тус илэрсэн юм.