Усан спортын эмэгтэйчүүдийн 50 метрийн чөлөөт сэлэлтийн төрлийн эхний шатанд Б.Энххүслэн өрсөлдлөө.
Тэрээр тавдугаар гараанд Гана, Антигуа ба Барбуда, Камерун, Сент Льюс, Замби, Фижи, Пакистан улсын тамирчидтай уралдан 27.29 секундэд барианд орж улсынхаа дээд амжилтыг шинэчиллээ.
Тус гараанд Камерун, Сент Льюс, Фижигийн тамирчид тэргүүлсэн бол манай тамирчин тэдний араас дөрөвдүгээрт орлоо.
Тус төрөлд нийт 83 тамирчин оролцсоноос шилдэг 16 нь хагас шигшээд шалгарах дүрэмтэй.
