32 дахь удаагийн “Токио 2020” зуны олимпийн наадмын жүдо бөхийн -81 килограмм жинд Монгол Улсын тамирчин, дэлхийн аварга Сайед Моллай барилдсан билээ.
Тэрбээр шөвгийн дөрөвт Австри Улсын жүдоч Борчашвили Шамилтай барилдаж, цэвэр ялалт байгуулж олимпийн аваргын төлөө Японы жүдоч Таканори Нагасетай барилдан ялагдаж олимпийн мөнгөн медаль хүртлээ.
Монгол Улсын тамирчин, дэлхийн аварга Сайед Моллай жүдо бөхийн эрэгтэйчүүдийн -81 килограмм жингийн эхний барилдаандаа Казахстан Улсын тамирчин Хамза Дидартай таарч, цэвэр ялалт байгуулсан. Харин дараагийн барилдаандаа Азербайжаны жүдоч Мурад Фатиевтэй барилдаж, нэмэлт цагт вазари үнэлгээгээр ялсан билээ. Улмаар шөвгийн наймд Гүрж Улсын тамирчин Григалашвили Татог цэвэр ялаад байсан юм.