БНХАУ-ын Өвчнийг хянах, урьдчилан сэргийлэх төвөөс монкифокс гэх нэртэй вирусийн улмаас 53 настай нэг хүн нас барсан талаар мэдээлжээ.
Амиа алдсан мал эмнэлгийн мэс засалч өнгөрсөн гуравдугаар сард үхсэн хоёр сармагчинд задлан хийсэн байна. Харин задлан шинжилгээнээс сарын дараа дотор муухайрах, бөөлжих, халуурах шинж тэмдэг илэрч эхэлжээ. Өвчтөнөөс дөрөвдүгээр сард шинжилгээ авч, монки-б буюу монкифокс вирусээр халдварласан болохыг нь тогтоосон юм.
Монкифокс вирус анх 1932 онд илэрсэн бөгөөд түүнээс хойш 50 батлагдсан тохиолдол бүртгэгдэж, 21 хүн нас баржээ. АНУ-ын Өвчнийг хянах, урьдчилан сэргийлэх төвийн мэдээлснээр “Монки-б вирусийн халдварлах нь маш ховор тохиолддог ч яаралтай эмчлүүлэхгүй бол хурдан хугацаанд үхэлд хүргэх аюултай” гэсэн юм. Монкифокс вирус нь халдвартай макаку гэх сармагчинд хазуулах, маажуулах, аль эсвэл сармагчны нүд, хамар, аманд хүрэхэд халдварладаг аж.
Уг халдвараас сэргийлэхийн тулд биедээ саван, угаалгын нунтаг, иод зэргийг түрхэж, 15 минутын турш угаалга хийх. Макаку сармагчинтай харилцсан хэсэгтээ 15-20 минутын турш бүлээн ус дусааж, яаралтай тусламжид хандах ёстой гэнэ.