Олимпийн наадмын боксын спортын оноолт өчигдөр болж, манай гурван тамирчны учраа тодорлоо. Эмэгтэйчүүдийн 75 кг жинд М.Мягмаржаргал Их Британийн Лорен Прайстай таарсан бөгөөд дараагийн шатанд Австри болон Панамын тамирчдын ялсантай тоглоно. Тоглолт долдугаар сарын 28-нд болно.
Харин эрэгтэйчүүдийн 57 кг жинд Э.Цэндбаатар Кенийн Николос Оконго Окоттой тулалдах ба ялбал Вьетнам болон Азербайжаны боксчдын нэгэнтэй тулах юм.
Тулаан долдугаар сарын 24-нд 17:51 цагаас болно.
Мөн эрэгтэйчүүдийн 63 кг жинд Б.Чинзориг Узбекистаны Элнур Абдураймовтой тоглоно. Хэрэв ялбал Доминизан эсвэл Тажикистаны тамирчинтай тулалдана. Тоглолт долдугаар сарын 25-нд болно.