Монгол Улсын Ерөнхийлөгчийн зарлигаар төрийн дээд одон медалиар шагнуулсан Монголын таеквондогийн холбооны төлөөллийн шагналыг “Olympic house”-д гардуулан өглөө.
Шагнал гардуулах ёслолд МҮОХ-ны Ерөнхийлөгчийн үүрэг гүйцэтгэгч Ч.Наранбаатар, ерөнхий нарийн бичгийн дарга Э.Бадар-Ууган, Гүйцэтгэх зөвлөлийн гишүүн Ж.Түмэн-Аюуш нар байлцав.
Хөдөлмөрийн хүндэт медалиар:
-Хөвсгөл аймгийн “Хүчит шонхор” клубийн үүсгэн байгуулагч, дасгалжуулагч Д.Нармандахыг
-Дотоод хэргийн их сургуулийн багш, дасгалжуулагч С.Эрдэнэбатыг
Алтан гадас одонгоор:
-“Тас”, “Гал дөл”, “Тулга” клубүүдийн үүсгэн байгуулагч, дасгалжуулагч Н.Баттулгыг
-Багануур дүүрэг дэх “Гарьд” клубийн үүсгэн байгуулагч, дасгалжуулагч Б.Тайванхүүг
Хөдөлмөрийн гавьяаны улаан тугийн одонгоор
-Монгол Улсад таеквондогийн спортыг үүсгэн байгуулагч С.Зоригт, С.Ганзориг нарыг тус тус шагналаа.