Өнөөдөр 15:30 цагийн үед Улаанбаатар хот даяар мөн Дархан-Уул, Орхон, Сэлэнгэ зэрэг хэд хэдэн аймагт цахилгаан тасраад байна.
Цахилгаан тасарсан шалтгаан болон хэзээ хэвийн болох талаар албан ёсны мэдээлэл байхгүй байна.
Улаанбаатар цахилгаан түгээх сүлжээ ТӨХК-ийн лавлах болон Диспетчерийн үндэсний төв ТӨХХК-ийн лавлах утаснууд хариу өгөхгүй байгаа бөгөөд цахилгаан тасарсны улмаас замын гэрлэн дохио ажиллахгүй болоод байна.
Цахилгаан тасарсан шалтгааныг Эрчим хүчний яамнаас тодруулахад “Дулааны IV цахилгаан станцад гэмтэл гарсан. Гэмтлийг засварлахаар ажиллаж байна. Юун түрүүнд нэгдүгээр зэргийн хэрэглэгч буюу эмнэлэг, тусгаарлах байрны цахилгааны асуудлыг шийдвэрлэхээр ажиллаж байна” гэжээ.
Цахилгаан станц дээр асуудал гараагүй. Урьдчилсан байдлаар 203, 204 дүгээр шугам дээр аваар гарсан гэж үзэж байна. Шалгалтын баг ирэхээр дэлгэрэнгүй мэдээлэл өгнө.