“Токио-2020” олимпын наадам эхлэх мөч өдрөөс өдөрт ойртсоор. Одоогийн байдлаар Монгол Улсын буудлагын төрөлд дөрвөн эрх аваад буй. Тэдний нэг нь эрэгтэй (Даваахүү), гурван эмэгтэй (О.Гүндэгмаа, О.Есүгэн, Ц.Анударь).
Олимпын наадмын хөтөлбөрт шинээр багтсан 10 метрийн хийн гар бууны холимог багийн төрөлд Э.Даваахүүтэй хамт эх орноо төлөөлөн оролцох тамирчны сонгон шалгаруулалт Зэвсэгт хүчний сургалтын нэгдсэн төвд болов.
