2021 оны зургадугаар сарын 24-ний өдрийн 20:45 цагийн орчимд хүчтэй аадар бороо орж, үер буусны улмаас төмөр зам угаагдаж Бэлэндалай-Орхонтуул өртөө хоорондын замын 76 дугаар километрт аялж явсан 23 вагонтой 3202 дугаартай ачааны галт тэрэгний бүрэлдэхүүний дундаас есөн вагон замаас гарсан билээ.
Байгалийн давагдашгүй хүчин зүйлийн улмаас үүссэн нөхцөл байдлыг арилгах сэргээн босголтын ажлыг “УБТЗ” ХНН, Сэлэнгэ аймгийн онцгой байдлын алба, мэргэжлийн хяналт болон байгаль орчны газар, Тээврийн цагдаагийн алба, Дархан, Орхон аймгийн “Петровис” ХХК-ны салбаруудтай хамтран шуурхай зохион байгууллаа.
“УБТЗ” уг хэсгийн галт тэрэгний хөдөлгөөнийг 2021 оны зургадугаар сарын 26-ны 19:58 цагт нээж, улмаар сэргээн босголтын ажлыг өчигдрийн 21:55 цагт бүрэн дуусгалаа хэмээн УБТЗ ХНН-ээс мэдээлэв.