Эрүүл мэндийн яамнаас 16-17 насны хүүхдүүдийг сайн дурын үндсэн дээр вакцинжуулах цэгийн байршлыг танилцуулж байна. Эцэг, эхчүүд өөрсдөө хүсвэл дархлаажуулалтын цэг дээр очиж, 16-17 насны хүүхдээ “Файзер” вакцинд хамруулах боломжтой. Ингэхдээ гадаадын улс орон руу суралцахаар явах гэж буй болон элсэлтийн шалгалт өгөх хүүхдээ вакцинд хамруулах хүсэлтэй бол вакцинд хамруулах боломжтой аж.
Хүүхдүүдийг дархлаажуулах “Файзер” вакцины тухайд халдварын тархалт нэмэгдэж байгаа энэ үед хүүхдүүдэд дархлаа тогтоох үр дүн 100 хувь байна гэж АНУ-ын эрдэмтэд тогтоосон. Энэ вакцины давуу тал нь вирусийн дамжих эрсдэлийг саармагжуулж, бууруулах өндөр чадвартайг судалгаагаар тогтоогоод буй.