Германы судлаач Адриан Зенцийн “Ройтерс” агентлагт өгсөн мэдээллээр, Хятадын төрөлтийг хянах бодлого тус улсын өмнөд Шинжаан дахь уйгар болон бусад цөөнх үндэстний төрөлтийг ойрын 20 жилд 2.6-4.5 саяар бууруулж болох ажээ.
Бээжингийн явуулж буй Шинжаан дахь төрөлтийг хянах бодлогын үрээр 2017-2019 онуудад уйгар үндэстний төрөлтийн хэмжээ хэдийнэ 48.7 хувиар буурчээ. Хүний эрхийг хамгаалах байгууллагууд, судлаачдын үзэж буйгаар тэрхүү бодлого нь саяхнаас хэрэгжүүлж эхэлсэн Шинжааны уйгар зэрэг ихэвчлэн лалын шашинтай цөөнх үндэстнүүдийн төрөлтийг хязгаарлах шийдвэр, цөөнх үндэстэн ажилчдыг бусад муж руу олноор татан ажиллуулах, нэг сая орчим уйгар болон бусад цөөнх үндэстнийг мэргэжил олгох нэртэй хорих лагерьт байрлуулах зэргээс бүрддэг байна. Энэ нь өмнөд Шинжааны нийт хүн амд эзлэх хятад иргэдийн хувийг одоогийн 8.4-өөс 25 хувьд хүргэх зорилго агуулсан тухай Адриан Зенц мэдэгдэж, Шинжаан дахь Хятадын явуулж буй бодлогыг геноцид гэж үзэхийг уриалж буй өрнөдийн орнуудын сонорт хүргэхийг эрмэлзсэнээ тэмдэглэжээ.
Д.ЦЭРЭНДОЛГОР