Монголын Хөрөнгийн биржид өнгөрсөн 7 хоногт 4 удаагийн үнэт цаасны арилжаа болж, нийт 1.920.318.568.89 төгрөгийн арилжаа хийв.
Хувьцааны хоёрдогч зах зээлийн энгийн арилжаагаар 53 компанийн 2.7 сая хувьцааг 1.812.944.946.40 төгрөгөөр арилжжээ.
Хоёрдогч зах зээлийн арилжаанд идэвхтэй оролцсон үнэт цаасны компаниуд:
“ЛэндМН ББСБ” ХК-ийн ТУЗ-ийн энэ оны 4 дүгээр сарын 23-ны ээлжит хурлын тогтоолын дагуу тус ХК нь дээрх өдрөөс эхлэн Монголын Хөрөнгийн биржээс өөрийн хувьцааг эргүүлэн худалдан авaх боломжтой болж, энэ оны 5 дугаар сарын 31-нээс 6 дугаар сарын 4-ний хооронд нийт 309,601 хувьцааг худалдан аваад байна.
Компанийн бондын хоёрдогч зах зээлийн арилжаанд ЕТТ төгрөгийн 22 ширхэг бондыг 2.1 сая төгрөгөөр, ЕТТ ам.долларын 124 ширхэг компанийн бондыг 12,404 ам.доллароор тус тус арилжсан байна. Хөрөнгө оруулалтын сангийн нэгж эрхийн хоёрдогч зах зээлийн арилжаагаар 263,810 нэгж эрхийг нийт 69,476,457.59 төгрөгөөр арилжив. Өнгөрсөн 7 хоногт хөрөнгөөр баталгаажсан үнэт цаасны хоёрдогч зах зээлийн арилжаагаар 1 үнэт цаасыг нийт 355,000 төгрөгөөр арилжсан байна. 6 дугаар сарын 4-ний өдрийн байдлаар зах зээлийн үнэлгээ 3,672,699,477,120.24 төгрөг болсон бол ТОП-20 индекс 34,067.67 нэгж болж өмнөх 7 хоногоос 2.34 хувиар өссөн үзүүлэлттэй байна.