Буркина-Фасогийн зүүн хойд хэсэгт орших Солхан тосгонд зэвсэгт этгээдүүд халдлага үйлдсэний улмаас 138 хүн амиа алджээ.
“Agence France-Presse” агентлагийн мэдээлснээр, энэ халдлага нь 2015 оноос хойш үйлдэгдсэн хамгийн олон хүний амийг авсан халдлага болсон байна. Халдлагын улмаас байшингууд, худалдааны байгууллага шатаж, хамгийн багадаа 7 хүүхэд амиа алдсан байна.
Үүнтэй холбогдуулан Буркина-Фасогийн Засгийн газар үндэсний гурван өдрийн гашуудал зарлажээ.
Халдлагыг НҮБ-ын тэргүүн эрс зэмлэн буруушааж, хүчирхийлэлтэй тэмцэхэд гишүүн орнуудад үзүүлэх дэмжлэгээ олон улсын хамтын нийгэмлэг хоёр дахин нэмэгдүүлэх зайлшгүй шаардлагатайг онцлон тэмдэглэв.