Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.
ЭМЯ-ны Хэвлэлийн төлөөлөгч Б.Ууганбаяр “Сүүлийн 24 цагт 680 хүнээс халдвар илэрлээ.
Эдгээрийн 634 Улаанбаатарт, хөдөө орон нутагт 46 тохиолдол бүртгэгдэж нийт батлагдсан тохиолдол 54414 боллоо.
Архангай-3, Булган-10, Орхон-19, Өвөрхангай-3, Төв-10, Хөвсгөл-1 аймгуудад коронавирусийн тохиолдлууд батлагдсан байна.
Мөн хоёр иргэн нас барж, ковид шалтгаант нас баралт 257 болж байна.
- 74 настай эмэгтэй тавдугаар сарын 13-нд онош нь батлагдсан
- 74 настай эмэгтэй тавдугаар сарын 25-нд онош нь батлагдаж ковидын нэн хүнд хэлбэрээр нас барлаа.
Сүүлийн 24 цагт 685 хүн эдгэрч, эмнэлгээс гарлаа. Ийнхүү нийт эдгэрсэн хүний тоо 48041 болов.
Биеийн байдал хүнд маш хүнд 119 хүн байна.