Сонгуулийн ерөнхий хорооноос мэдээлэл хийж байна.
СЕХ-ны Мэдээлэл, судалгаа, арга зүйн хэлтсийн дарга Б.Оюумаа “Сонгуулийн сурталчилгаа хуулиар зөвшөөрөгдсөн найман төрлийн аргаар зохион байгуулна. Ерөнхийлөгчийн сонгуулийн тухай хуулиас гадна журмуудыг дагаж мөрдөнө. Сонгуулийн сурталчилгааг хийхдээ ард иргэдийг халдвараас сэргийлсэн байх ёстой.
Энэ удаагийн сонгуулийн сурталчилгаанд орсон нэг өөрчлөлт нь хөгжлийн бэрхшээлтэй иргэдийн мэдээлэл авах эрхийг хангах үүднээс дүрстэй мэдээ, мэдээлэл хадмал болон дохионы орчуулгатай байх ёстой.
Саналын хуудас болон санал хураах төхөөрөмжийг орон нутаг руу хүргүүлж эхэлсэн. Сурталчилгааг хийхдээ аль болох задгай талбайд зохион байгуулах бөгөөд хүүхэд оруулахгүй, оролцогчид амны хаалт, бээлий хэрэглэх ёстой. Хэрэв битүү орчинд сурталчилгаа хийвэл халдвар хамгааллын дэглэмийг сайтар баримтлах ёстой.
Тусгаарлалтад байгаа иргэдийн саналыг 6-р сарын 8-ны өдөр зөөврийн хайрцгаар авна” гэлээ