Ирэх долдугаар сарын 23-нд болох Токиогийн Олимпийн наадмын нээлтийн ёслолд Францын Ерөнхийлөгч Эмманюэль Макрон оролцоно гэдгийг тус улсын Спортын сайд Роксана Марачиняну мэдээлжээ.
Р.Марачиняну баасан гаригт радиод ярилцлага өгөх үеэрээ энэ талаар ярьсан байна. Парис хот 2024 оны Олимпийн наадмыг зохион байгуулах юм.
Спортын сайдаас Японд коронавирусийн халдварын тохиолдлын тоо нэмэгдэж буйг үл харгалзан наадмыг зохион байгуулах хэрэгтэй эсэх талаар асуухад, Японы Ерөнхий сайд болон Олимпийг зохион байгуулах хороо учирч болзошгүй эрсдэлийг бууруулахын төлөө ихээхэн хүчин чармайлт гаргаж байгааг онцлон хэлсэн байна. Франц улсын хувьд Олимпийн наадамд оролцохдоо бэлтгэн тамирчдаа вакцинжуулж буйг Р.Марачиняну нэмж хэлсэн байна. Мөн тэрбээр өөр нэгэн сайдын хамтаар Олимпийн үеэр Японд айлчлахаар төлөвлөж буйгаа ярьжээ.