ОБЕГ-ын дарга, хошууч генерал Г.Ариунбуян Сэлэнгэ, Дархан-Уул аймагт ажиллалаа.
Ажиллах үеэрээ аймгийн Онцгой комиссыг хуралдуулан, коронавируст халдвар /Ковид-19/-ын цар тахлаас урьдчилан сэргийлэх, тэмцэх, халдварын тархалтыг зогсоох чиглэлээр авч хэрэгжүүлж байгаа арга хэмжээний талаарх мэдээллийг сонсон, аймгийн Онцгой комиссын дарга, гишүүдэд холбогдох үүрэг, чиглэлийг өглөө.
Мөн Дархан-Уул аймгийн Онцгой байдлын газарт хэрэгцээтэй зарим техник хэрэгслийг хүлээлгэн өгсөн юм гэж Онцгой байдлын ерөнхий газраас мэдээллээ.
