БНСУ-ын “Пентхаус” цуврал дэлхий дахиныг байлдан дагуулсаар байна. Эхний хоёр бүлэг маш их амжилт олсны дараа SBS сувгаас дараагийн бүлгээ хийж эхлээд байгаа юм.
Гуравдугаар бүлгийн зураг авалт дөрөвдүгээр сарын 27-нд эхэлсэн бөгөөд зургадугаар сарын 4-нд эхний ангиа үзэгчдийн хүртээл болгохоор болжээ.
Эхний хоёр бүлэг долоо хоногт хоёр удаа гарч байсан бол энэ удаад долоо хоногийн баасан гараг бүр нэг анги гаргана. Шинэ бүлэгт хэд хэдэн шинэ од тоглох бөгөөд өс хонзон авалтаар эхний ангиудаасаа хол давуу гэнэ.