Италийн хөлбөмбөгийн үндэсний шигшээ багийн тоглогчид Европын аварга шалгаруулах тэмцээнд оролцохоосоо өмнө коронавирусийн вакцин хийлгэжээ.
Багийн гишүүдийн зарим нь Милан хотод вакцин хийлгэсэн бол өөр нэг хэсэг нь Ром хотод байрладаг Халдварт өвчний хүрээлэнд вакциндаа хамрагдсан байна.
Өмнө нь Италийн эрх баригчид Ром хотын олимпийн цэнгэлдэх хүрээлэнд болох тоглолтуудыг үзэгчидтэйгээр зохион байгуулахыг зөвшөөрсөн юм. Зургадугаар сарын 1-нээс эхлэн спортын уралдаан тэмцээнүүдэд үзэгчдийг эрүүл ахуйн дүрэм журмыг чанд сахих нөхцөлтэйгээр байлгахаар болсон байна.