Шадар сайд С.Амарсайхан энэ сарын 11-ний өдөр ХӨСҮТ-д ажиллах үеэрээ тус эмнэлгийн “Хүчилтөрөгч дамжуулах төв”-ийн үйл ажиллагааг өргөтгөх, хүртээмжийг нэмэгдүүлэх зорилгоор хүчилтөрөгчийн үйлдвэр барих ажлыг эхлүүлэхээр шийдвэрлэсэн.
Тус үйлдвэр ашиглалтад орвол өндөр даралттай баллон зөөвөрлөхгүй, газар доогуурх сүлжээгээр дамжуулан сэхээн амьдруулах, эрчимт эмчилгээний тасаг болон ковидын эмчилгээний өрөөнүүдэд хананы холбоосоор хүчилтөрөгчийг шууд дамжуулах нөхцөл бүрдэж, хүчилтөрөгчийн дутагдалд орохгүй нөхцөл бүрдэнэ.
ХӨСҮТ-ийн хүчилтөрөгч дамжуулах төв нь одоогоор өдөрт өндөр даралтын 100 ширхэг баллон буюу 600 шоо метр хүчилтөрөгч нийлүүлж байгаа ба ханган нийлүүлэлт тасалдах, өндөр даралттай баллон зөөвөрлөдөг буй юм.
Халдварын тархалт нэмэгдэж байгаагаас хүчилтөрөгчийн хэрэглээ 4-5 дахин нэмэгдэж, хүчилтөрөгч тасалдах, өндөр даралттай баллон зөөвөрлөх шаардлага тулгарч байна. Иймд хүчилтөрөгчийн хүчин чадлыг нэмэгдүүлж нэгдсэн системээр хангах үйлдвэр ашиглалтад оруулах нь нэн чухал байв.
Тус үйлдвэр нь Герман улсын технологиор цагт нам даралтын (0,5 мРа) хүчилтөрөгчийг 40м3 үйлдвэрлэхээс гадна өндөр даралтын 3-4 ширхэг (150мРа) баллоныг нэг цагийн дотор хүчилтөрөгчөөр цэнэглэх өндөр хүчин чадалтай. Одоогийн байдлаар үйлдвэрийн барилга ажил бүрэн дууссан бөгөөд цахилгаан болон хийн холболтуудыг угсарч байна. Туршилтын ажлыг энэ долоо хоногт эхлүүлж үйл ажиллагааг нь жигдрүүлэхээр албаныхан ажиллаж байна.