B.1.617 нэртэй шинэ хувилбарыг анх Энэтхэгт E484Q ба L452R гэсэн хоёр мутацитай илрүүлсэн. Энэ тухай Энэтхэгийн нэгэн эрдэмтэн өнгөрсөн оны сүүлчээр анх мэдээлж байсан бөгөөд даваа гаригт ДЭМБ-д илүү дэлгэрэнгүй мэдээллийг танилцуулсан юм.
Энэтхэгийн Эрүүл мэндийн яам гуравдугаар сарын сүүлчээр “давхар мутаци” байгааг анх хүлээн зөвшөөрсөн боловч түүнээс хойш энэ асуудлыг орхигдуулжээ. “Үхлийн аюултай, халдвартай” гэсэн тамгыг эрүүл мэндийн яам нь дарах ёстой байсан ч дараагүй гэдгийг Энэтхэгийн Анагаахын Судалгааны Зөвлөлийн эрдэмтэн Апарна Мукержи мэдээлжээ.
Давхар мутацийн талаар:
Вирус нь биологийн нэг хэсэг болж хувирахыг мутаци гэнэ. Зарим мутаци нь вирусийг сулруулдаг бол зарим нь вирусийг илүү хүчтэй болгож, илүү хурдан тархах эсвэл илүү их халдвар авах боломжийг олгодог.
E484 ба L452 талбайн мутацийг тусад нь ажигласан боловч B.1.617 мутаци нь хоёуланг нь нэгтгэсэн анхны том вирусийн гарал болох нь батлагджээ.
Давхар мутаци нь вирусийн дамжуулалтыг 20 хувиар нэмэгдүүлж, эсрэг биеийн үр нөлөөг 50 хувиас бууруулдаг.
Энэтхэг улс B.1.617 зэрэг шинэ хувилбарууд нь “дархлаанаас зугтаж чадах” чадвартай эсэхийг судлаж байна.
“Дархлаанаас зугтах” гэдэг нь эмгэг төрүүлэгч хүний дархлааны хариу урвалаас зайлсхийх чадварыг хэлнэ. Энэ нь вакцин хийлгэсний дараа үүссэн эсрэгбие эсвэл өмнө нь халдварласан хүн халдвар авахаас хамгаалж чадахгүй гэсэн үг юм.
Давхар мутаци нь Австрали, Бельги, Герман, Ирланд, Намиби, Шинэ Зеланд, Сингапур, Их Британи, АНУ зэрэг хэд хэдэн оронд тогтоогдсон. Одоогоор тэдгээр улсад энэ хувилбарын өндөр тархалт тогтоогдоогүй байгаа юм.
