Коронавируст халдварын нөхцөл байдлын талаар Эрүүл мэндийн яам ээлжит мэдээллээ хүргэж байна.
ХӨСҮТ-ийн дэд захирал Э.Тэмүүлэн “Сүүлийн 24 цагт 9520 хүнд PCR шинжилгээ хийхэд 170 хүнээс халдвар илэрлээ. Эдгээрийн 160 нь батлагдсан тохиолдлын ойрын хавьтал. 10 хүний халдварын эх уурхайг тодорхойлох тандалт судалгааг хийж байна.
Халдварын эх уурхайг нь тогтоож байгаа хүмүүсийн оршин суух хаяг:
БЗД-ийн 23 дугаар хороо,
БГД-ийн 1 дүгээр хороо,
СХД-ийн 3, 18, 25,34, 39 дүгээр хороонд байна.
Улаанбаатар хотод 168 , Төв аймагт 2 тохиолдол бүртгэгдлээ. Ингэснээр Улсын хэмжээнд нийт батлагдсан тохиолдол 4976 боллоо.
Өнөөдрийн байдлаар 1365 хүн эмчлэгдэж буйгаас биеийн байдал:
-Хөнгөн:1191
-Хүнд: 12
-Хүндэвтэр:159
-Маш хүнд: 3 хүн байна” гэв.