Өнөөдөр шинээр 103 тохиолдол нэмэгдэж, Улаанбаатар хотод халдварын тархалт хурдацтай нэмэгдэж байгаа тул зарим аймгууд орох хөдөлгөөнийг хязгаарлаж эхэллээ. Тодруулбал Дархан-Уул, Сэлэнгэ, Хэнтий, Сүхбаатар, Хөвсгөл, Баянхонгор зэрэг аймгууд нийслэлээс ирэх хөдөлгөөнийг түр хугацаанд хязгаарлаад байна. Зөвхөн PCR шинжилгээ хийлгэсэн тус аймагтаа харьяалалтай иргэдийг 72 цагийн дотор хүлээн авах зохицуулалтыг хийж байна.