Dnn.mn сайт нь нийгэмд өрнөж буй үйл явдлаар ярилцлага, нийтлэл, сурвалжилга, тодруулга, мэдээ бэлтгэн нийтлэдэг билээ.
Шударга өрсөлдөөн, хэрэглэгчийн төлөө газраас арваннэгдүгээр сарын 24-ний өдөр үйл ажиллагаа явуулж буй аж ахуй нэгжид хяналт шалгалт хийсэн.
Ингэхдээ, Сүхбаатар дүүргийн нутаг дэвсгэрт байрлах “Үлэмж гросерс” ХХК-ийн “Good price” дэлгүүрт хяналт шалгалт хийхэд тус дэлгүүрт хонины ястай махыг 10500, үхрийн цул махыг 16000 төгрөгөөр худалдан борлуулж, Шударга өрсөлдөөн, хэрэглэгчийн төлөө газрын Улсын Ерөнхий байцаагчийн 110 тоот албан шаардлагыг биелүүлж ажиллаагүй, цар тахлын онцгой нөхцөл байдлын үед махны үнийн хөөрөгдөл үүсгэсэн нөхцөл байдал тогтоогдсон тул Зөрчлийн тухай хуулийн 10.7 дугаар зүйлийн 4.7 дахь хэсэгт заасан 20,000,000 төгрөгийн шийтгэл оногдуулсан” гэсэн албан мэдээг хүргэсэн юм.
Тус мэдээллийг 2020 оны арваннэгдүгээр сарын 25-ны өдөр сайтдаа мэдээлэхдээ “Хонины мах 16000 төгрөгөөр зарсан Good Price дэлгүүрийг 20 сая төгрөгөөр торгожээ” гэх гарчигтай мэдээллийг нийтэлсэн билээ.
Уг мэдээг хүргэхдээ үхрийн махны үнийг хонины махтай андуурсан зэрэг сэтгүүлчийн ур чадвараас шалтгаалсан баримтын алдаа гаргасан байна.
Иймд Dnn.mn сайтад нийтлэгдсэн “Хонины мах 16000 төгрөгөөр зарсан Good Price дэлгүүрийг 20 сая төгрөгөөр торгожээ” гэсэн мэдээнд дурдсан Үлэмж Гросерс ХХК-аас хүлцэл ирж, бэлтгэсэн мэдээгээ устгасан болохоо энэхүү залруулгаар илэрхийлж байна.
Dnn.mn сайтын редакци