ЦЕГ-ын дэд дарга, хурандаа н.Амгалан хэв журмын талаар мэдээлэл өглөө:
Томоохон зах, худалдааны төвүүд энэ сарын 16 хүртэл ажиллахгүй гэдгээ урьдчилан мэдэгдсэн. Иймд жижиг дэлгүүрүүд бараа татан авалтаа хийчихсэн. Дэлгүүрүүд бараа татна гэж замын хөдөлгөөнд оролцохгүй. Зөвшөөрөл бүхий 14 салбарын ажилтан, албан хаагчид л нийтийн тээврээр зорчино. Нийтийн тээврийн хэрэгслийн тоо ихээхэн буурсан.
Үйлчилгээний байгууллагууд буюу орон сууцны контор, тохижилт үйлчилгээ, хувийн хамгаалалтын байгууллагуудын ажлын бүлэг томилогдсон. Нэг бүлэг 72 цагийн хугацаагаар ажиллана. Дуудлагын машинууд нь бүгд логотой байх шаардлагатай. Жолооч нар ажлын талбартаа ойрхон байхыг шаардана.
Эмнэлэгт очих иргэд хувийн машинаар явахыг зөвшөөрнө. Мөн гачигдал гарсан тохиолдолд зөвшөөрөл олгоно. Иргэд хүүхдээ хажуудаа суулгаад, хүүхдээ эмнэлэгт үзүүлнэ гээд сэлгүүцсэн. Камераар хянах тул сэлгүүцэх боломж бага. ЦЕГ дрон нисгэж хянана.
Нийслэлээс орох гарах хөдөлгөөнийг хэрхэн зохицуулах вэ?
Маргааш өглөө 06.00 цагаас эхлэн нийслэл рүү орох болон гарах хөдөлгөөнийг бүрэн хаана. Гачигдал гарсан иргэд УОК руу цахимаар хандан, өргөдөл өгнө. Тэдний хүсэлтэд шуурхай хариу өгнө. Зөвшөөрөл өгсний дараа нэвтрүүлнэ.
Хөл хорио тогтоосны дараа зарим иргэн тусгаарлах байрнаас гарах болно. Тэднийг УОК гэр гэрт нь хүргэнэ. Эмнэлэг рүү явах, хувийн авто машингүй иргэд ойролцоо байгаа төрийн албан хаагчид хандаарай. Түргэний машинууд эдгээр иргэдэд тусална.
Нийслэлд нийт 15 мянган төрийн албан хаагч ажиллана. Тэднийг хороо тус бүрд хуваарилсан. Гэр хороололд тавих хяналтыг мөн төлөвлөсөн. Нэг цэгт ажиллах албан хаагч тэндээ л ажиллана, солихгүй. Бүх төрийн албан хаагч ханцуйн дээрээ КОВИД-19 гэсэн тэмдэгтэй байна. Та бүхэн албан хаагчидтай соёлтой, боловсон харилцаарай.
Маргааш шинийн 1-ний өглөө уул руу гарах хориотой.