XVII жарны “Цөөвөр” хэмээх Төмөр үхэр жилийн Сар шинийн босгон дээр Өдрийн сонины шуурхай мэдээллийн www.admin.dnn.mn сайтын Орлогч захирал Д.Гансаруул Монгол Улсын Ерөнхийлөгчийн зарлигаар Хөдөлмөрийн хүндэт медалиар энгэрээ мялайлаа.
Д.Гансаруул нь 2009 оноос өнөөдрийг хүртэл Өдрийн сонинд сэтгүүлч, тус сонины шуурхай мэдээллийн сайтын Орлогч захирлаар ажиллаж байгаа юм. Саяхан тэрээр Монголын Сэтгүүлчдийн нэгдсэн эвлэлийн Оны шилдэг шалгаруулах “Ган үзэг-2020” наадмаас “Оны шилдэг сэтгүүлч” шагнал гардсан билээ.
Д.Гансаруул: Өдрийн сонины Тусгай бичлэгийн шагнал (2011 он)
-Өдрийн сонины “Шилдэг бичлэг”-ийн шагнал (2019 он)
-Нийслэлийн 2019 оны “Шилдэг сэтгүүлч”,
-Монголын сэтгүүлчдийн нэгдсэн эвлэлийн 2020 оны Шилдэг сэтгүүлч
-Ган үзэг шагналтай
-Монголын сэтгүүлчдийн нэгдсэн эвлэлийн “Ган үзэг”, “Хэвлэл мэдээллийн тэргүүн ажилтан” цолтой.
-Монголын Зохиолчдын эвлэлийн гишүүн, Г.Сэр-Одын нэрэмжит шагналт яруу найрагч
-МЗЭ-ийн Төв аймаг дахь салбар зөвлөл “Шувуун саарал” утга зохиолын нэгдлийн Удирдах зөвлөлийн гишүүн, Нарийн бичгийн даргаар ажилладаг.
-Монголын Урлагийн зөвлөлийн 2020-2021 оны “Онцлох уран бүтээлч”-ээр шалгарч, тус зөвлөлийн “Улаан гэр” бүтээлч орон зайд GANSARUUL LIVE яруу найргийн онлайн уншлагаа зохион байгуулсан.
-2007 онд “Зүрхний нандин, эмзэг уяа чамдаа…” туурвилзүйн ном,
-2009 онд “Саранд гандсан хөшиг” яруу найргийн түүврээ хэвлүүлсэн. Уг ном нь Монголын Зохиолчдын эвлэлийн Анхны номын уралдаанд шалгарсан бүтээл.
-2014 онд “Сарны тосгон” яруу найргийн түүврээ гаргасан.
-2017 онд детектив, триллер, акмейст шүлгийн “Цоохор майлзын түүх” түүврээ хэвлүүлсэн.
-Da.Gansaruul, Саранд гандсан хөшиг, Галбарвас зэрэг фэйсбүүк хуудсаараа шүлэг, зохиолоо олон нийтэд хүргэдэг.
-Artist Da Moon пэйждээ зургийн бүтээлүүдээ сонирхуулдаг. 2019 оны хоёрдугаар сараас эхэлж Da.Gansaruul пэйжээрээ дамжуулж өгүүллэгүүдээ цувралаар хүргэж байгаа хос морьтой сэтгүүлч, уран бүтээлч юм.