“Катар-2022” хөл бөмбөгийн дэлхийн аварга шалгаруулах тэмцээн болон 2023 оны Азийн Аварга Шалгаруулах Тэмцээний урьдчилсан шатны “F” хэсгийн долоо дахь тоглолтыг манай улс эх орондоо Япон улсын шигшээ багийг хүлээн авч хийх байсан.
Гэвч цар тахлын нөхцөл байдалтай холбоотойгоор Улсын Онцгой Комисс болон Биеийн Тамир, Спортын Улсын Хорооноос тус олон улсын тоглолтыг Монголд хүлээн авах боломжгүй гэдэг хариуг өгчээ.
Улмаар тус тоглолт Япон улсын Чиба хотын 20 мянган хүний суудалтай Фукуда Дэнши Арена-д болохоор болжээ.
Тус тоглолтын өмнө манай улсын шигшээ баг гуравдугаар сарын 25-ны өдөр Тажикстан улсын шигшээ багийн талбайд зочлон хэсгийн зургаа дахь тоглолтоо хийх юм.
Эх сурвалж: Монголын хөл бөмбөгийн холбоо