Энэ сарын 11-нийг хүртэл Орхон аймаг Улаанбаатар хотоос иргэдээ татан авна. Ингэхдээ Орхон аймагт ирэх иргэд заавал PCR шинжилгээ өгөх шаардлагатай бөгөөд Улсын Онцгой комиссын шийдвэрийн дагуу 12 хүртэлх насны хүүхэд шинжилгээ өгөлгүйгээр эцэг, эх, асран хамгаалагчтайгаа зорчиж болох юм.
Орхон аймагт ирсний дараа түргэвчилсан тестээр шинжилгээ өгөх бөгөөд Шадар сайд, Эрүүл мэндийн сайдын тушаалын дагуу шинжилгээг төлбөртэй өгнө. Түргэвчилсэн тестийн үнэ 25 мянган төгрөг юм. Харин 16 хүртэлх насны иргэд, амаржсанаас хойш 56 хоногтой ээж, хөгжлийн бэрхшээлтэй иргэд, 60-аас дээш насны иргэн, эрүүл мэндийн хяналтад байдаг иргэдээс үнэ төлбөргүй шинжилгээ авна. Иргэдийн тандалт шинжилгээнээс хамаарч гэрийн хяналтад 14 хоног байхыг аймгийн Онцгой комисс зөвлөж байна. Сар шинийн баяртай холбоотойгоор Улаанбаатар хотоос ирэх иргэдийг 11-21-нийг хүртэл Орхон аймаг хүлээж авахгүй гэдгийг мөн мэдэгдлээ.