Засгийн газрын ээлжит бус хуралдааныг маргааш буюу нэгдүгээр сарын 30-ны өдөр хуралдуулахаар товложээ. Өнөөдөр Ерөнхий сайд Л.Оюун-Эрдэнэ танхимаа бүрдүүлж, УИХ-д танилцуулж байна. Чуулганы хуралдаанд танилцуулга үргэлжилж байна.
Засгийн газрын ээлжит бус хуралдаанаар коронавируст халдварын нөхцөл байдлын талаарх мэдээллийг сонсох бөгөөд одоогоор сар шинийн баяртай холбоотой хөл хориог хоёрдугаар сарын 5-наас тогтоох талаар яригдаагүй гэдгийг Засгийн газрын Хэвлэл мэдээлэлтэй харилцах хэлтсээс мэдээллээ.
Засгийн газрын шийдвэрийн дагуу сар шинийн баярыг нийтээр тэмдэглэхгүй байхаар болсон бөгөөд үүнтэй холбоотойгоор энэ үеэр хөл хорио тогтооно гэдгийг Шадар сайд асан Я.Содбаатар мэдээлж байв.
Гэхдээ хөл хорио тогтоох хугацааг хоёрдугаар сарын 5-наар тогтоох албан ёсны шийдвэр гараагүй болохыг ЗГХМХХ-ээс мэдээллээ.