Ном унших, гэртээ их цэвэрлэгээ хийх зэрэг завтай үедээ хийхээр төлөвлөсөн ажлуудаа дуусчихсан бол дараах зөвлөгөөнөөс санаа авч, өөртөө шинэ “ажил” бий болгоорой. Эдгээр чухал ажлуудаас аль нэгийг нь л сонгож хийсэн байхад энх цаг ирэх үед танд “хүн өмнөөс чинь хийгээд өгчихсөн юм шиг” сайхан санагдах болно.
Гэрээ гүйцээж тохижуулах
Ихэнх цагийг гэртээ өнгөрүүлэхээр амьдарч буй орчноо улам гоё болгомоор санагдаад байгаа биз? Тэгвэл гэрээ гоё болгоход дутаад байгаа цэцгийн ваар, хивс хивсэнцэр, хөшиг, ханын зураг, гэрлийн чийдэн зэргээ одоо л авч, орчноо бүрэн тохижуулдаг цаг.
Зуны хувцаснуудаа авч, шүүгээгээ шинэчлэх
Харин түүний оронд хятадын чанартай брэнд бараануудыг сайтаас нь захиалчихвал хамаагүй хямд, бас загварлаг, сонголт сайтай.
Хоббитой болох
Та тогтсон хоббитой юу? Зав гарвал сошиал медиа ухах, зурагт үзэхээс нэг их хэтрэхгүй байгаа бол цагийг ашиглаад өөртөө аз жаргал бэлэглэх шинэ хобби бий болгоорой.Та багадаа юу хийх дуртай байсан бэ? Зураг зурах, гар урлал хийх, эвлүүлдэг тоглоом тоглох, хөгжим тоглох гээд ямар ч хобби сонгож болно.
Дадал зуршилтай болох
Тогтмол дасгал хөдөлгөөн хийдэг дадал зуршлыг одоо л өөртөө бий болгодог цаг. Таны сонгосон дадал зуршил таны гарын дор, ойрхон, хялбархан байх тусмаа таны хийх магадлал өндөр байдаг. Тиймээс хорио тавигдахаар фитнесст явна даа гэж хойш тавилгүй, одооноос гэртээ дасгал хөдөлгөөн хийх дадал зуршилтай болоорой. Онлайн фитнесс хөтөлбөрт ч бүртгүүлэх шаардлагагүй. Youtube-д дүүрэн үнэгүй хичээл бий.
Хүүхдийнхээ оюуны хөгжлийг дэмжих
Хэрэв та хүүхэдтэй бол энэ бол хүүхэдтэйгээ тулж ажиллах алтан цаг юм. Хүүхдүүдэд бодит багш, ярилцагч заавал хэрэгтэй. Харин тэр хүн нь та өөрөө байгаарай. Оюун ухаан хөгжүүлэх хэд хэдэн төрлийн тоглоом аваад хүүхэдтэйгээ өдөрт 1 цагийг хамтдаа тоглож өнгөрүүлж байхыг зөвлөж байна.