Улсын Дээд шүүхийн хяналтын шатны Эрүүгийн хэргийн шүүх хуралдаанаар Ж.Эрдэнэбат, Б.Отгонбаатар, Д.Ганбат, Д.Түвшинжаргал, С.Мандахбат нарт холбогдох хэргийг хэлэлцлээ. Шүүх бүрэлдэхүүн хэргийг хэлэлцээд анхан шатны болон давж заалдах шатны шүүх хурлын шийдвэрийг хүчингүй болгож, хэргийг прокурорт буцаалаа. Ингэхдээ шүүгдэгч нарын таслан сэргийлэх арга хэмжээг хэвээр үлдээлээ.
Ж.Эрдэнэбат нь хоригдож байх хугацаандаа УИХ-ын гишүүнээр дахин сонгогдсон бөгөөд тангаргаа өргөж чадаагүй бөгөөд түүнийг сонгосон сонгогчид УИХ-д төлөөлөлгүй байгаа юм.