Олон улсын шуудан илгээмжийн гаалийн газрын хоёр ажилтнаас коронавирус илэрсэн талаар ЭМЯ 11 цагийн хурлаар мэдээлсэн. Тэгвэл хоёр биш нэг ажилтнаас илэрснийг албаны эх сурвалжууд хэллээ.
Тодруулбал, Олон улсын шуудан илгээмжийн гаалийн газрын Төв шуудан салбарт суудаг нягтлангаас илэрсэн байна. Нягтлангийн эгч нь БЗД-ийн эмнэлэгт хэвтэн эмчлүүлж байгаад гарсан аж. Коронавирус илэр үед тухайн гаалийн нягтланг “Амар” зочид буудалд тусгаарласан байсан аж. Гэхдээ тухайн гаалийн нягтлан 2020 оны арванхоёрдугаар сарын 24-нийг хүртэл ажлаа хийж байжээ. Тиймээс түүний ойрын хавьталд 20 гаруй ажилтан багтсан бөгөөд тэднийг тусгаарлаж нийтдээ 70 гаруй гаалийн ажилтанг тусгаарласан байна.