Өчигдөр цахим орчинд “Маmbo“ буюу шинэ жилийн баярт зориулсан Prank call тусгай дугаар гарсан билээ.Тухайн нэвтрүүлэг нь ОБЕГ-ын дэд дарга, УОК-ын гишүүн Б.Ууганбаярын дургүйцлийг хүргэж нэвтрүүлэгт оролцсон хүмүүст арга хэмжээ авна хэмээн мэдэгдсэн. Үүсээд буй асуудалтай холбогдуулна комедиан Б.Идэр-Од өөрийн фэйсбүүк хуудсаараа дамжуулан уучлалт гуйжээ.
Тэрээр “Коронавирусийнн эсрэг тэмцэх ёстой үнэт цагийг нь алдагдуулсан хошигнол хийж Улсын Онцгой Комиссын ажлыг шаардлагагүй өөр зүйлд чиглүүлсэн мөн чирэгдэл учруулсандаа уучлал хүсье.
Онцгой байдалд ажиллаж буй төрийн албан хаагчид, эмч, эрүүл мэндийн ажилтнуудаа хүндэтгэж байгаагаа илэрхийлж маргаан үүсгэж буй контентын хэсгийг интернэтээс татан авснаа мэдэгдэж байна.
Ideree’s Home Party, YouTube нэвтрүүлгийн 2020 оны 12 сарын 27-ны өдрийн дугаарын оролцогчид” гэжээ.
