Баянгол дүүргийн 11 дүгээр хороонд үйл ажиллагаа явуулдаг “Сайн” ломбардны ажилтнуудыг хутга тулган сүрдүүлж, дээрэмдсэн хэрэг өчигдөр гарчээ. Хэрэгтнүүд тус ломбарднаас үнэт эдлэлүүд болон бэлнээр 1,030,000 төгрөгийг дээрэмдсэн байна. Хэргийн талаар ЦЕГ-ын хэвлэл мэдээллийн төвийн дарга Б.Баатархүүгээс лавлахад “Хиймэл үс зүүж, баг зүүж, нүүр царайгаа далдалсан этгээдүүдийн явсан газруудыг тогтоох ажил үргэлжилж байна. Дээрмийн хэргийг үйлдсэн этгээдүүдийг илрүүлэх сэжүүрийг тогтоосон” гэжээ.