Форбес сэтгүүл энэ удаагийн дугаартаа дэлхийн хамгийн нөлөө бүхий эмэгтэйчүүдийн жагсаалтыг гаргажээ. ХБНГУ-ын канцлер А.Меркель 10 дахь жилдээ тэргүүлсэн бол жагсаалтын хоёрдугаарт Европын Төв банкны тэргүүн Кристин Лагард оржээ. К.Лагард өнгөрсөн онд мөн хоёрдугаарт бичигдэж байж. Форбес сэтгүүл ийм төрлийн жагсаалтыг 17 дахь жилдээ гаргаж байгаа юм. АНУ-ын анхны өнгөт арьст эмэгтэй дэд ерөнхийлөгчөөр сонгогдоод буй Камала Харрис жагсаалтын гуравдугаарт багтжээ. Жагсаалтын эхний тавд Европын Комиссын тэргүүн Урсула фон дер Ляйен, буяны үйлстэн Мелинда Гейтс нар тус тус орсон байна.
Оросын төрийн тэргүүн В.Путин өөрийн улсынх нь эсрэг хагалан бутаргах үйл ажиллагаа явуулсан болон ийм үйлдэлд хүмүүсийг уриалан турхирагчдад 6-10 жилийн хорих ял оноох тухай хуульд гарын үсэг зуржээ. Мөн ийм үйлдэлд олон нийтийг уриалсан этгээдийг 500 мянган рублиэр торгохоор болсон байна. Түүнчлэн давтан зөрчил гаргавал нэг хүртэл жил хорих ялаар шийтгэх гэнэ. ОХУ-ын Эрүүгийн байцаан шийтгэх хуулийн 30, 31 дүгээр зүйлд өөрчлөлт оруулж, дээрх зүйл заалтыг нэмсэн аж.
l l l
Д.ЦЭРЭНДОЛГОР