Нийслэлийн нэгдүгээр сургуулийн 11А ангийн сурагч А.Аззаяа 10 өрхөд зориулсан хүнсний багцыг Сүхбаатар дүүргийн онцгой комисст хүлээлгэн өглөө.
А.Аззаяа нь дүүргийн 17 дугаар хороонд оршин суудаг бөгөөд Улаан загалмайн хорооны гишүүн, хүмүүнлэгийн элч төдийгүй хичээл, сургуульдаа манлайлж дүүрэг, нийслэлийн шилдэг хүүхдээр удаа дараа шалгарч, 2019 онд Монгол Улсын оны онцлох хүүхэд болж байсан юм.
Сурагч А.Аззаяа “Манай улс төдийгүй дэлхий нийтээрээ “Ковид-19” халдвартай тэмцэж байгаа энэ үед дүүргийнхээ Онцгой комисст чин сэтгэлийн хандив өгч байна. Энэ хүнсний тусламжийг аав, ээж нь тусгаарлалтад байгаа өрхийн хүүхдүүдэд зориулаасай” гэлээ.