УИХ-ын чуулганы хуралдаанаар Гаалийн албан татвараас чөлөөлөх тухай хуулийн төслийг хэлэлцэж байна.
Гаалийн албан татвараас чөлөөлөх хуулийн төслийг хэлэлцэж эхэллээ. Хуулийн төсөлтэй холбогдуулан гишүүд асуулт асууж, хариулт авч байна.
УИХ-ын гишүүн О.Цогтгэрэл “Гааль, НӨАТ-аас чөлөөлөх хуулийн гаалийн хэсгийг л би дэмжиж байна. Тэр тусмаа улаан буудайн асуудалтай холбогдуулан. Жил бүрийн улаан буудайн хэрэглээний 30 хувийг гаднаас авдаг. Үүний сан авлигын асуудал байна. Газар тариалангийн сан хэдэн жилийн өмнөөс авлигад идэгдсэн. Үүний улам өөгшүүлэх хэрэггүй. Энэ дээр анхаарал хандуулах хэрэгтэй.
ХХААХҮ-ийн сайд З.Мэндсайхан “Ургац алдсанд олон янзын шалтгаан бий. Гэхдээ Хөдөө аж ахуйг дэмжих сан асуудалтай юу гэвэл асуудал бий. Хуримтлагдсан өрийн авлага үүссэн ийм асуудал бий” гэв.
УИХ-ын гишүүн Г.Мөнхцэцэг: Дотоодын нөөц бололцоо хэр байгаа вэ. Үүн дээр судалгаа шинжилгээ хийсэн үү? Говийн бүс нутагт өвөлжилтийн байдал хүндэрч байна. Ялангуяа хорио цээрийн энэ цаг үед оторлож буй малчид хэцүү байдалд байна. Энэ дээр яамны зүгээс ямар арга хэмжээ авах вэ?
ХХААХҮ-ийн сайд З.Мэндсайхан: Энэ жилийн нийт 480 мянган тонн будаа хурааж авсан. Дотоодын зах зээлд тэжээлийн импортын бүтээгдэхүүн авах хэрэгцээ 80 орчим хувь байгаа.
УИХ-ын гишүүн Ж.Бат-Эрдэнэ: Жилээс жилд ургац хураалт багасч байна. Цааш цаашид ямар арга хэмжээ авах вэ. Хөдөө аж ахуйн үйлдвэрлэлийг сэргээхэд ямар бодлого баримтлах вэ. Хивэг тэжээлийн хэдэн үйлдвэр байгаа вэ. Хивэг тэжээлийн үнэ нэмэгдэж байна. Энэ асуудал дээр ямар бодлого баримтлах вэ.
ХХААХҮ-ийн сайд З.Мэндсайхан: Сүүлийн 10 гаруй жил дотоодын улаан буудайг дотоодоосоо хангадаг гэсэн ойлголттой байсан. Би ажлаа авснаасаа хойш сүүлийн 5 жил улаан буудайг дотоодоосоо хангаж чадахгүй байгааг ойлгосон. Газар тариалан мал аж ахуй хоёр зөрчилдөж эхэлж байна. Бэлчээрийн аж ахуй газар тариалангаа татаж унагаахад бэлэн болчихлоо. Иймээс энэ асуудлыг ялгаж салгаж шийдвэрлэх явах хэрэгтэй. Хивэг тэжээлийн дөрвөн үйлдвэр бий.