Дэлхийн хойд хэсэгт намар ирж ургац хураалтын завгүй өдрүүд үргэлжилсээр байна. Усан үзмийн хураалтын өдрийг товлох нь дарс хийж эхлэхээс өмнөх чухал шийдвэр байдаг аж. Цаг агаарын байдал усан үзэм дахь органик бодисуудын тэр дундаа дарсны чанар тодохойлогч таннин, үнэр амт оруулагч фенол хүчлүүдийн агууламжинд шууд нөлөө үзүүлдэг. Иймд тухайн бүс нутгийн газар зүйн байршил болон тэр жилийн цаг агаарын нөхцөл нь ургац хураалтыг товлоход голлох хүчин зүйл болдог байна.
Дэлхийн цаг уурын өөрчлөлт газар тариаланд маш хүчтэйгээр нөлөөлж байна. Ойрын жилүүдэд халуун, дулаан цаг агаартай Калифорни, зүүн Австралийн бүс нутгууд ганд нэрвэгдэж усан үзмийн олон талбай галын аюулд өртсөөр байна. Харин хүйтэн хуурай бүс нутгууд илүү дулаан, бороотой болж усан үзэм болон дарсны чанар сайжирч эхэлжээ. Мөн өмнө нь усан үзэм тариалахад хэтэрхий хүйтэн, боломжгүй байсан бүс нутгууд харин ч чанартай дарс үйлдвэрлэж эхэлжээ.