Дэлхий даяар үйл ажиллагаа явуулж буй баар, ресторан нь цар тахлын үед үйлчлүүлэгчидтэй хэрхэн харилцах, үйл ажиллагаа явуулах нөхцөлөө дахин нягталж үзэх шаардлагатай болсон.
Харин Флоренц хот цар тахлын энэ үед дарсны нүх буюу жижиг цонхоор үйлчилгээ явуулах санаагаа дахин хэрэгжүүлж эхэлсэн байна.
Сэргэн мандалтын үеэр жижиг цонхнуудыг дарс зарах зорилгоор ашигладаг байсан аж. Энэхүүхудалдааг Флоренцын элитүүд хийдэг байсан бөгөөд эртний 1500-аад оны үед хотын хэд хэдэн язгууртнууд хөдөө орон нутагт хүртэл энэхүү үйл ажиллагааг явуулдаг байжээ.
Дарсны цонх бүр өөр өөрийн өвөрмөц хэлбэр хийцтэй байдаг. Зарим нь өнгөт чулуун жаазаар бэхлэгддэг, зарим нь тоосгоор хийгдсэн, зарим нь төмрийн сараалжтай байдаг байна.
“Brache” рестораны эзэн Наги Камал: “Бид Флоренц дахь хамгийн эртний дарсны цонхтой”. “Энэ хүнд хэцүү цаг мөчид үүнийг дахин нээх нь маш их тустай байсан бөгөөд зарим уламжлал хэзээ ч мөхдөггүй гэдгийг бодитоор харуулсан юм” гэжээ.
20-р зууны төгсгөлд дарс зарах тухай хуульд өөрчлөлт орж, олон язгууртны ордуудыг орон сууц болгон хувиргасан бөгөөд дарсны цонх нь шуудангийн хайрцаг, хаалганы хонх болж хувирсан байна.
Харин 2015 онд “Buchette del Vino” соёлын байгууллага нь тухайн бүс нутагт үлдсэн дарсны цонхыг тодорхойлох, газрын зурагжуулах, хадгалах зорилгоор байгуулагдсан аж.
А.МӨНХНАРАН