Улаанбаатар хотоос Архангай аймгийн Өгийнуурт аялж явсан долоон иргэний нэг нь нууранд живж амиа алджээ.
Тодруулбал нийслэлийн Сүхбаатар дүүргийн харьяат иргэн Г/24 настай, эрэгтэй/ наймдугаар сарын 16-ны өдрийн 19:05 цагийн орчим “Өгий нуур”-д сэлж байгаад осолдсон тухай дуудлагыг Наймдугаар сар 16-ны өдрийн 20:20 цагт Онцгой байдлын албанд ирсэн байна.
Дуудлага мэдээллийн дагуу тус аймгийн Онцгой байдлын газрын Эрэн хайх, аврах салбарын алба хаагчид, тус сумын Цагдаагийн хэсгийн алба хаагчид 150 км замыг туулан 08.17-ны өдрийн 01:40 цагт очиж, эрэн хайх ажиллагааг зохион байгуулж“Өгийнуур”-ын зүүн эргээс 30 метрт, 3 метрийн гүнээс иргэн Г-ын цогцсыг олж гарган цагдаагийн байгууллагад шилжүүлж өгчээ.
А.МӨНХНАРАН