УИХ-ын гишүүн асан Д.Дамба-Очир нь жижиг дунд үйлдвэрлэлийг хөгжүүлэх сангаас “Сапфир стоун” ХХК-д 1.2 тэрбум төгрөгийн зээл авахад нь дам байдлаар нөлөөлсөн байж магадгүй гэх хэргээр хоёр жил шалгасан. Түүнд холбогдох шүүх хурал өнөөдөр /2020.08.12/ Баянзүрх дүүргийн Эрүүгийн хэргийн анхан шатны шүүхэд 10.00 цагт болно.
Д.Дамба-Очир холбогдох хэргийн шүүх хурал 7 сарын 30-ны өдөр болсон ч шүүгдэгч Д.Дамба-Очир, түүний өмгөөлөгч нар ирээгүй шалтгаанаар шүүх хуралдааныг 8 сарын 12-ны өдрийн 10.00 цаг хүртэл хойшлуулсан юм.
Шүүхээс Д.Дамба-Очирыг эрүүгийн хэрэг хянан шийдвэрлэх ажиллагааны явцад санаатай саад учруулсан үндэслэлээр албадан ирүүлж, цагдан хорих арга хэмжээ авахаар шийдвэрлэсэн байна.
Д.СУВД-ЭРДЭНЭ