Эрүүл мэндийн яамнаас ээлжит мэдээллээ хийлээ. Дэлхий дахинаа коронавирус 216 улс орон, нутаг,дэвсгэрт бүртгэгдэж,9310000 хүн өвчилж, 469000 нас барсан байна.
ХӨСҮТ-ийн захиралД.Нямхүү: “Зургаадугаар сарын 21-ний өдөр гурван лабораторид нийт 359 шинжилгээ хийхэд 352 хүний шинжилгээнд коронавирус илэрээгүй. Харин долоон хүний шинжилгээнд коронавирус илэрлээ. Тодруулбал, Нурсалтан-Улаанбаатар чиглэлийн онгоцоор ирсэн дөрвөн хүний давтан шинжилгээ болон Сөүл-Улаанбаатарын онгоцоор ирсэн хоёр болон Алтанбулаг боомтоор орж ирсэн нэг жолоочид халдвар илэрлээ. Халдвар илэрсэн иргэд 6, 11, 12, 29, 38, 39, 63 настай” гэв.
ХӨСҮТ-өөс эмчлэгдэн гарч байгаа хоёр жирэмсэн эмэгтэйн нэг нь төрөх тун дөхсөн учраас сувилал руу шилжихгүй. ХӨСҮТ-д хүүхдээ төрүүлнэ” гэв.
ЭМЯ-ны газрын дарга Д.Нарангэрэл: “Коронавирус чийглэг, харанхуй, агаар муутай орчинд илүү их өсөж, тархдагийг БНХАУ-ын эрдэмтэд тогтоожээ. Сүүлийн 24 цагт 123,000 хүн шинээр халдвар авсан бөгөөд АНУ-д 23 мянга, БНЭУ-д 15 мянга, Бразилд 14 мянган шинэ тохиолдол бүртгэдэж, халдварын тоогоор тэргүүлж байна. БНХАУ-ын Бээжин хотын хүнсний захаас үүдэлтэй халдварын тоо 220 гаруй бол ойр орчмын гурван хүнсний захад халдвар илэрчээ. Шимфади захаас авсан 200 гаруй дээжид халдвар илэрсэн бөгөөд зөвхөн мах төдийгүй жимс ногооноос илэрсэн байна. Тус улсын Өвчин судлалын төвөөс коронавирус чийглэг, харанхуй, агаар муутай орчинд илүү их өсөж үрждэг болохыг анхааруулжээ.
ОХУ-д сүүлийн 24 цагт 7,728 хүн шинээр халдвар авч, 109 хүн нас барсан байна. Манай хил залгаа бүсүүдэд өвчлөл мөн өссөөр байгаа. Эрхүү мужид 191 хүн шинээр халдвар авч, 40 хүн энджээ. Тувад халдвар тасралтгүй нэмэгдэж, эмнэлгийн тусламж үйлчилгээ доголдоход хүрээд байгааг мэдээлсэн байна. Манай улсын хувьд өчигдөр 2 хүн шинээр ажиглалтад орж, 6 хүн гэрийн тусгаарлалтад шилжсэн. Тусгаарлан ажиглах байранд нийт 2,183 хүн байна. Монгол Улсын хэмжээнд 2183 хүн ажиглалтад байна. Тусгаарлах байранд 1-5 насны 115 хүүхэд, 45 жирэмсэн эх байна. Цэргийн төв эмнэлэгт тусгай үүргийн онгоцоор ирсэн эмгэгтэй 95 хүн байна. Үүнээс найман хүний бие хүнд байгаа бөгөөд голдуу ахмад настнууд хүнд байна. Швед улсад эрчимт эмчилгээнд байсан эмэгтэй бие сайжирч байна.”
ДЭМБ-ын мэргэжилтэн О.Ариунтуяа: “Дэлхийн хэмжээнд нийт хүн амын 22 хувь буюу 1.7 тэрбум хүн архаг суурь өвчтэй байна. Хоёр сарын дараа улирлын томуугийн улирал эхлэх гэж байгаатай холбоотой томуугийн бэлэн байдлыг хангахыг ДЭМБ-аас улс орнуудад анхаарууллаа.”
Х.ЕСҮ