15-нд Баянхонгор, Өвөрхангай, Өмнөговь, Төв, Дундговь, Хэнтий, Сүхбаатарын нутгаар салхи секундэд 16-21 метр, зарим үед 20-29 метр хүрч, хүчтэй салхины аюултай үзэгдэл, Баянхонгор, Өвөрхангай, Дундговь Өмнөговь, Дорноговийн нутгаар алсын барааны харагдац 20-200метр хүрч, 1-8 цаг үргэлжилсэн шороон шуурганы гамшигт үзэгдэл, 15-ны өдөр Төв аймгийн баруун болон хойд хэсгээр салхи секундэд 12-16 метр хүрч, 4-6 цаг үргэлжилсэн цасан шуурганы гамшигт үзэгдэл, 15-наас 16-нд шилжих шөнө Хэнтийн нутгаар салхи секундэд 12-16 метр хүрч, 2-12 цаг үргэлжилсэн цасан шуурганы гамшигт үзэгдэл, Дорноговийн нутгаар салхи секундэд 16-18 метр, зарим үед 20-22 метр хүрч хүчтэй салхи, шороон шуурганы аюултай үзэгдэл, 16-ны өдөр Дорноговийн нутгаар хүчтэй салхи секундэд 16-18 метр, зарим үед 22-24 метр хүрч хүчтэй салхи, шороон шуурганы аюултай үзэгдэл болж өнгөрөв. Энэ үзэгдлийн үеэр салхины их хурд Баянхонгорын Баянцагаанд секундэд 29 метр, Өмнөговийн Гурвантэс, Сүхбаатарын Дарьгангад секундэд 28 метр, Өвөрхангайн Баян-өндөрт секундэд 26 метр тус тус хүрсэн байна.