Э.Оюунболдын нэхэмжлэлтэй, Баяр наадмын зохион байгуулах хороонд холбогдох захиргааны хэргийн шүүх хурал, Нийслэлийн Захиргааны хэргийн анхан шатны шүүхэд өнөөдөр боллоо.
Шүүх хурлаар Э.Оюунболд нь сэргээшийн төрлийн хориотой бодис хэрэглэсэн болох нь БНСУ-ын Шинжлэх ухаан технологийн институтын допингийн хяналтын лабораторийн шинжилгээний дүгнэлтээр тогтоогдож байна гэж үзлээ.
Иймд хариуцагч Үндэсний их Баяр наадмын зохион байгуулах хороо нь хуульд заасан эрх хэмжээнийхээ хүрээнд:
- Э.Оюунболдын барилдаж давсан даваа бүрийг хүчингүйд тооцох,
- Барилдах эрхийг 2 жилийн хугацаагаар хасах,
- Э.Оюунболдод өвдөг шороодсон бөхчүүдийн давааг ахиулж, цол, чимгийг олгуулах,
- Э.Оюунболдод олгосон Монгол Улсын аварга цолыг хураах санал”-ыг Монгол Улсын Ерөнхийлөгчид өргөн мэдүүлсэн нь холбогдох хуульд нийцсэн байна гэж дүгнэлээ.
Дээрх шүүхийн шийдвэрийг эс зөвшөөрвөл Захиргааны хэргийн давж заалдах шатны шүүхэд 14 хоногийн дотор гомдол гаргах эрхтэй” гэв.
А.ЗОЛЗАЯА