Зоонозын өвчин судлалын үндэсний төв (ЗӨСҮТ) энэ оны нэгдүгээр сараас хойш нийт 1575 иргэнд коронавирусний шинжилгээ хийсэн байна. Тус төвийн дэд захирал Б.Амгаланбаяр, “Манай төвийн ажилтнууд өндөржүүлсэн бэлэн байдалд ажиллаж байгаа. Өнгөрсөн 24 цагт 137 хүнд шинжилгээ хийлээ” гэсэн юм. Мөн тус төв коронавирусний эрсдэлээс сэргийлэх үүднээс 500 мянган ам дөрвөлжин талбайг ариутгажээ. Үүнд тусгаарлан ажиглах байрны 271 өрөө, тусгай нислэгээр эх орондоо ирсэн иргэдийн 11 мянга 631 гар тээш, хувийн эд зүйлс, 296 мянга 30 кг ачаа тээш багтаж буй юм. Мөн давхардсан тоогоор 104 агаарын хөлөг, 320 тээврийн хэрэгсэл, 13 чингэлэг, 31 галт тэрэг зэрэг 500 мянган ам дөрвөлжин метр талбайг ариутгасан байна.