Нийслэлийн Засаг даргын 2020 оны 02 сарын 06-ны өдрийн А/166 дугаартай Халдварт өвчнөөс урьдчилан сэргийлэх талаар авч хэрэгжүүлэх зарим арга хэмжээний тухай захирамжийн хэрэгжилтийг хангуулах зорилгоор Баянзүрх дүүргийн 14 дүгээр хорооны нутаг дэвсгэрт байрлах Нарантуул трейд ХХК-ийн Нарантуул олон улсын худалдааны төвийн үйл ажиллагаанд хяналт шалгалт хийлээ.
Шалгалтаар Нарантуул трейд ХХК нь худалдааны төвийн ойр орчмын 50 метр газрын хог хаягдлыг цэвэрлэгээгүй, эрүүл ахуйн шаардлага хангаагүй орчны нөхцөлд үйл ажиллагаа явуулж байгаа нөхцөлд Монгол Улсын Зөрчлийн тухай хуулийн дагуу шийтгэл ногдуулж, зөрчлийг арилгуулах талаар үүрэг даалгавар өгч ажиллалаа.
Тус хэлтсээс томоохон худалдааны төвийн гадна талбайд коронавирусын халдвараас урьдчилан сэргийлэх зорилгоор чанга яригчаар зөвлөмж сэрэмжлүүлгийг тогтмол өгч ажиллаж байна.