Коронавируст халдвар (КОВИД-19)-ын цартахал дэлхийн 216 улс орон, нутаг дэвсгэрийг хамарч, 6 сая гаруй хүн өвчилж, 380 мянган хүн нас бараад байна. КОВИД-19-ын цартахал оргил үедээ хүрээгүй талаар ДЭМБ анхааруулсаар байна.
Иймд УИХ-ын ээлжит сонгуулийн сурталчилгааны үеэр КОВИД-19-өөс сэргийлэх халдвар хамгааллын арга хэмжээг мөрдөхийг Та бүхэнд уриалж байна. Үүнд:
Сонгуулийн хэсгийн болон штабын байранд:
• Амны хаалт зүүх
• Биеийн халуун үзэх
• Спиртэн суурьтай гар халдваргүйжүүлэгч байршуулах
• Уулзалт цуглааныг танхимд болон ил задгай талбайд 1,5-2 метрийн зайтай суухаар зохион байгуулах
• Уулзалт цуглааныг хүний бөөгнөрөлгүй 2 цагаас илүүгүй хугацаагаар зохион байгуулах
• Микрофоныг спиртэн суурьтай уусмалаар арчих эсвэл нэг удаагийн уут хэрэглэх
• Уулзалт хооронд хатуу гадаргууг 1л усанд 0,25мл белизнатай уусмалаар цэвэрлэх
• 30 минут тутам агаар сэлгэлт хийх
• Сурталчилгааны хэвлэмэл материалыг тараахдаа бээлий өмсөх
• Цахилгаан шатны товчлуур, явган болон урсдаг шат, хаалганы бариул, компьютер, утас зэрэг хатуу гадаргууг сайтар цэвэрлэх
Сонгогчдод:
• Амны хаалт зүүх
• Гар ариутгагч хэрэглэх
• Хүн хоорондын зай барих
• Тэврэлдэхгүй, үнсэлдэхгүй, гар барихгүй, хоорондоо ярихгүй байх